Eich cyflwr iechyd, salwch neu anableddau
Mae'r cyngor hwn yn berthnasol i Cymru. Gweler cyngor ar gyfer Gweler cyngor ar gyfer Lloegr, Gweler cyngor ar gyfer Gogledd Iwerddon, Gweler cyngor ar gyfer Yr Alban
Mae cyfle i chi ddweud mwy am eich salwch neu anabledd wrth anfon eich ffurflen ESA50 yn ôl.
Mae’r cwestiwn hwn ar dudalen 6 y ffurflen – dyma sut mae’n edrych
![](http://images.ctfassets.net/vms0u05139aw/p6_esa_form.jpg/9e51ba9e67953701e7f722b0af057776/p6_esa_form.jpg)
Beth i ysgrifennu
Dylech:
greu rhestr o’ch problemau iechyd, salwch ac anableddau - hyd yn oed os nad oedden nhw gennych chi pan wnaethoch chi’ch cais ESA yn wreiddiol
dweud pryd ddechreuon nhw (ceisiwch roi syniad o’r mis a’r flwyddyn)
dweud pryd gawsoch chi ddiagnosis (os ydych chi wedi cael un)
cynnwys problemau iechyd, salwch ac anableddau hyd yn oes nad oes gennych chi ddiagnosis neu brawf gan feddyg
Mae hefyd yn syniad da nodi ar y ffurflen:
unrhyw beth nad ydych chi’n gallu ei wneud ond roeddech yn gallu ei wneud o'r blaen, er enghraifft, roeddech chi'n arfer mynd i loncian ond dydych chi ddim yn gallu gwneud hynny mwyach
sut mae meddyginiaeth yn effeithio arnoch chi, er enghraifft, a ydych chi wedi cael unrhyw sgil-effeithiau
a ydych chi wedi rhoi'r gorau i weithio oherwydd eich iechyd, a pham (er enghraifft, allwch chi ddim rhagweld pryd fyddwch chi'n teimlo'n sâl, felly doedd dim modd i’ch cyflogwr gynllunio’ch shifftiau)
gwybodaeth am eich dyddiau da a dyddiau drwg, er enghraifft, os ydych chi'n ei chael hi'n anodd ymdopi 4 diwrnod allan o 7 – rydych chi’n cael 3 diwrnod da yr wythnos ond allwch chi ddim gwneud llawer y diwrnodau eraill heblaw gorffwys
Sut mae’ch cyflwr yn amrywio dros amser
Mae’n bwysig iawn eich bod chi’n dweud wrth DWP sut mae’ch salwch neu anabledd yn amrywio dros amser.
Os yw’ch salwch neu anabledd yn dilyn patrwm gan amlaf (er enghraifft, mae gennych chi anhwylder deubegynol, a’ch bod yn cael cyfnodau o deimlo’n uchel ac yn isel sy’n newid yn wythnosol), cofiwch nodi hynny.
Os yw’ch patrymau’n fwy anwadal, mae’n gallu bod yn anodd i’w hesbonio. Gallech ysgrifennu rhywbeth tebyg i hyn yn y bocs ‘gwybodaeth ychwanegol’ o dan bob cwestiwn:
“Byddaf yn esbonio sut mae fy nghyflwr yn effeithio arnaf o ddydd i ddydd o dan bob cwestiwn yng ngweddill y ffurflen.”
Os yw’ch cyflwr yn gysylltiedig â chyffuriau neu alcohol
Os oes unrhyw salwch neu anabledd sydd gennych chi’n gysylltiedig â phroblemau alcohol neu gyffuriau, mae’n bwysig i chi nodi hynny.
Dylech nodi pa gymorth neu driniaeth rydych chi’n eu cael. Os ydych chi’n aros am atgyfeiriad, neu os nad ydych chi wedi cael cynnig unrhyw gymorth, dylech ddweud hynny.
Y cymhorthion rydych chi’n eu defnyddio
Dylech nodi os ydych chi’n defnyddio pethau fel:
ffon gerdded neu ffrâm cerdded
canllawiau yn y bath – nodwch pryd gawsoch chi nhw wedi’u gosod
cadair olwyn
cymhorthion clyw
sedd toiled wedi’i chodi
cymhorthion gweledol
unrhyw offer i’ch helpu i wisgo
Camau nesaf
Help us improve our website
Take 3 minutes to tell us if you found what you needed on our website. Your feedback will help us give millions of people the information they need.
Adolygwyd y dudalen ar 07 Ebrill 2020